پشاور پولیس نے علاقہ غریب آباد میں شہری سعید اللہ کے اندھا قتل کا سراغ لگا کر ملوث ملزمان کو گرفتار کرلیا گرفتار ملزمان میں مقتول سعید اللہ کی اپنی بیوی آشنا سمیت ملوث نکلی،مقتول کی بیوی نے پولیس ٹیم کوغلط بیان دیتے ہوئے واقعہ کو طبی موت قرار دیا تھا، پولیس کی جانب سے نعش کو تحویل میں لے کر پوسٹمارٹم کیلئے ہسپتال منتقل کرنے کیساتھ ساتھ اصل حقائق جاننے کیلئے تحقیقات شروع کردی گئی،جدید سائنسی خطوط پر جامع تفتیش کے دوران مقتول کی بیوی کا موبائل ڈیٹا حاصل کرنے سمیت دیگر مشتبہ گھر والوں اور تعلق داروں کو بھی شامل تفتیش کیا گیا،مقتول کی بیوی کے متضادات بیانات کو مدنظر رکھتے ہوئے مزید تفتیش کرنے کا فیصلہ کیا گیا، جس نے پولیس ٹیم کے سامنے اصل حقائق سے پردہ چاک کرتے ہوئے اپنے آشنا اسد اللہ کے ساتھ مل کر منصوبہ بندی کے تحت اپنے شوہر سعید اللہ کو بے دردی کیساتھ بجلی کےشارٹس لگا کر اور تشدد کے ذریعے قتل کرنے کا اعتراف کرلیا، پولیس نے فوری طور پر ملزمہ کے آشنا اسداللہ کو بھی گرفتار کرلیا، دونوں ملزمان سے مزید تفتیش جاری ہے۔
