ترجمان دفتر خارجہ کےمطابق پاکستان نےایران میں راسک پولیس اسٹیشن پر دہشت گردانہ حملے میں 11 ایرانی اہلکاروں کی ہلاکت اور متعدد کےزخمی ہونے کی شدید مذمت کی ہے۔ترجمان نے کہا ہے کہ ہم متاثرین کے اہل خانہ سے دلی تعزیت کا اظہار کرتے ہیں، اور زخمیوں کی جلد صحت یابی کی دعا کرتے ہیں، پاکستان ایران کی حکومت اور برادر عوام کے ساتھ مکمل یکجہتی کے ساتھ کھڑا ہے۔ترجمان کے مطابق دہشت گردی علاقائی اور عالمی امن و سلامتی کے لیے خطرہ ہے، دہشت گردی کا دو طرفہ اور علاقائی تعاون سمیت ہر طرح سے مقابلہ کرنے کی ضرورت ہے۔
