مسلم لیگ ن کو ووٹ دیں گے حکومت کا حصہ نہیں بنیں گے، بلاول بھٹو

اسلام آبادمیں پیپلز پارٹی کی سینٹرل ایگزیکٹو کمیٹی کا دو روزہ اجلاس ختم ہونے پر پریس کانفرنس کرتے ہوئے بلاول بھٹو زرداری نےبتایا کہ پیپلز پارٹی کے پاس مرکز میں حکومت بنانے کےلیےمطلوبہ مینڈیٹ نہیں ہے۔ پیپلز پارٹی کو مینڈیٹ نہیں ملا لہٰذا میں وزارتِ عظمیٰ کا امیدوار نہیں ہوں۔وزارت عظمیٰ کیلئے ن لیگ کے امیدوار کو ووٹ دیں گے۔تاہم ہماری جماعت وفاقی حکومت کا حصہ نہیں بنے گی۔ ہمارا اصولی فیصلہ ہے کہ ملک کو بحران سے نکالنا ہے اور اسے مستحکم بنانا ہے۔ان کا کہنا تھا کہ مسلم لیگ (ن) نے ہمیں حکومت میں شامل ہونے کی دعوت دی، پی ٹی آئی کہہ چکی کہ وہ پیپلز پارٹی سے کوئی بات چیت نہیں کرے گی۔انکا کہنا تھا کہ حکومت سازی کےعمل اور سیاسی استحکام کےلیے ایک کمیٹی بنائی ہے، یہ کمیٹی تمام سیاسی جماعتوں سے رابطے کرے گی۔ کوشش کریں گے کہ پاکستان کو بحرانوں سے نکالیں۔انکا کہنا تھا کہ سی ای سی اراکین نے ن لیگ کے حوالے سے کافی اعترضات کا اظہار کیا۔ انتخابات کے نتائج کو احتجاج کے ساتھ قبول کریں گے۔ن لیگ واحد جماعت ہے جس نے ہمیں مرکز میں حکومت میں شمولیت کی دعوت دی۔