متحدہ عرب امارات نے مصر کا بڑا علاقہ اپنے نام کردیا، مشرق وسطیٰ سے بڑی خبر آگئی

غیر ملکی خبر ایجنسی کے مطابق متحدہ عرب امارات نے مصر سے ساحلی شہر راس الحکمہ کو 35 ارب ڈالر میں خرید لیا ہے۔اس حوالے سے میڈیا کو بریفنگ میں مصر کے وزیر اعظم مصطفیٰ مضبولی کا کہنا تھا کہ یو اےای کی طرف سے ایڈوانس کی مد میں 15 ارب ڈالر ادا کیے جائیں گے جبکہ باقی رقم 2 ماہ میں ادا کی جائے گی۔ تجزیہ کاروں کی جانب سے کسی دوسرے ملک کی جانب سے مصر میں یہ سب سے بڑی براہ راست بیرونی سرمایہ کاری قراردیا جارہا ہے،مصر کےشہر اسکندریہ سے 200کلومیٹر دورواقع سیاحتی علاقہ راس الحکمہ میں رہائشی علاقے، سیاحوں کے لیے تفریحی مقامات، اسکول، جامعات، صنعتی زون، ایک کاروباری و صنعتی علاقہ، سیاحوں کے لیے کشتی رانی کا خصوصی علاقہ اور انٹرنیشنل ایئر پورٹ موجود ہیں۔