ایران کے صوبہ سیستان و بلوچستان سےدو اہل سنت علماء مجلس خبرگان رہبری کے لئے منتخب ہو گئے

ایران کےصوبہ سیستان و بلوچستان میں بھی پارلیمانی اور مجلس خبرگان کے انتخابات کے نتائج سامنے آئے ہیں جن کے مطابق صوبے کے دو اہل سنت علماء مجلس خبرگان رہبری کے لئے منتخب ہوئے۔ایرانی خبررساں ادارے مہر کےمطابق مولوی علی احمد سلامی اور مولوی عبدالرحمن عارفی سیستان و بلوچستان کے عوام کی جانب سے سب سے زیادہ ووٹ حاصل کر کے مجلس خبرگان رہبری کے لئے منتخب ہو گئے ہیں۔واضح رہے کہ احمد احمدی تبار، علی احمد سلامی اور عبدالرحمٰن عارفی سیستان و بلوچستان سے مجلس خبرگان رہبری کے چھٹے دورہ انتخابات کے لئے اہل قرار پانے والے نمائندے ہیں، جو مجلس خبرگان کی کل 88 نمائندہ نشستوں میں سے اس صوبے کے لئے مختص دو سیٹوں پر کامیاب ہوئے۔