شہبازشریف نے ملک کے 24ویں وزیراعظم کی حیثیت سے حلف اٹھا لیا

ایوان صدراسلام آبادمیں حلف برداری کی تقریب منعقد ہوئی جس کاآغاز تلاوت کلام پاک سےہوا۔ صدر مملکت  ڈاکٹر عارف علوی نے نومنتخب وزیراعظم شہبازشریف سے عہدے کا حلف لیا، پروقار تقریب میں جوائنٹ چیفس آف اسٹاف کمیٹی جنرل ساحر شمشاد مرزا اور آرمی چیف جنرل عاصم منیر بھی شریک تھے۔تقریب حلف برداری تقریب میں صدارتی امیدوارآصف علی زرداری، نوازشریف، بلاول بھٹو زرداری، وزیراعلیٰ پنجاب مریم نواز شریف،وزیراعلیٰ سندھ مراد علی شاہ،وزیراعلیٰ بلوچستان سرفراز بگٹی وزیر اعلیٰ گلگت بلتستان حاجی گلبر خان اور وزیر اعظم آزاد کشمیر انوار الحق بھی شریک تھے۔ تقریب میں مختلف ممالک کے سفیروں نے بھی شرکت کی۔حلف برداری کے بعد  شہباز شریف وزیراعظم ہاؤس پہنچےجہاں مسلح افواج کی جانب سے انہیں گارڈ آف آنر پیش کیا گیا۔بعدازاں وزیراعظم سے وزیراعظم آفس کے عملے کا تعارف کرایا گیا،وزیراعظم شہباز شریف سے نگران وزیراعظم کے منصب سے سبکدوش ہونے والے انوارالحق کاکڑنے بھی الوداعی ملاقات کی