آصف علی زرداری نے ملک کے 14ویں صدر کی حیثیت سے حلف اٹھا لیا

حلف برداری تقریب ایوان صدر اسلام آباد میں منعقد ہوئی،چیف جسٹس سپریم کورٹ قاضی فائز عیسیٰ نے آصف علی زرداری سے عہدے کاحلف لیا۔وزیراعظم پاکستان میاں شہبازشریف چیئرمین جوائنٹ چیفس آف اسٹاف کمیٹی جنرل ساحر شمشاد مرزا، آرمی چیف جنرل عاصم منیر سربراہ پاک بحریہ اور سربراہ پاک فضائیہ نے بھی تقریب میں شرکت کی،تقریب میں چاروں صوبوں کے گورنرز ، سابق صدر عارف علوی ، سپیکر ایاز صادق، چیئرمین پیپلز پارٹی بلاول بھٹو زرداری، بختاور اور آصفہ سمیت غیر ملکی سفارت کاروں نے بھی شرکت کی۔آصف علی زرداری ملکی تاریخ میں دوسری بار صدر بننے والی پہلی سویلین شخصیت ہیں۔