اسرائیلی فورسز کی تمام تر رکاوٹیں ناکام ثابت ہوگئیں،فلسطینیوں نے تمام تر رکاوٹیں توڑتے ہوئے مسجد اقصیٰ پہنچ گئے اوررمضان المبارک کے پہلے جمعے کی نماز ادا کی،اس دوران مسجد اقصیٰ کےامام شیخ عکرمہ صبری نے اپنے خطبے میں کہا کہ اتنی بڑی تعداد میں نمازیوں کی آمد اور یہاں موجود رہنے کی خواہش ان لوگوں کے لیے پیغام ہے جو مسجد اقصیٰ کو نقصان پہنچانا چاہتے ہیں، انہوں نے کہا کہ مسجد اقصیٰ پر سودے بازی یا اس کے ایک انچ سے دست بردار ہونے کا سوال ہی پیدا نہیں ہوتا۔ انہوں نے غزہ کی صورتحال کا ذکر کرتے ہوئے سوال کیاکہ کوئی ان واقعات کو کیوں نہیں روکتا اوراس کے باشندوں کی حمایت کیوں نہیں کرتا؟ قابضین نے مسجد الاقصی کے گرد سخت گير اقدامات کیے ہیں اور علاقے میں کئی ماہ سے جنگی حالات سے دوچار کر رکھا ہے۔
فلسطینی اسرائیلی محاصرہ توڑنے میں کامیاب،80ہزار سےزائد مسجد اقصیٰ پہنچ گئےنماز جمعہ ادا کی
Date:
