سینیٹ کی 30 نشستوں پر انتخابات آج ہوں گے

الیکشن کمیشن آف پاکستان کے مطابق سینیٹ کی 30 نشستوں پر کل 59 امیدوار مدمقابل ہیں،سندھ کی 12، خیبرپختونخواہ کی 11 نشستوں پر انتخابات آج ہوں گے،پنجاب کی 5 جبکہ اسلام آباد کی دو نشستوں پر بھی پولنگ ہوگی، الیکشن کمیشن کے مطابق قومی اسمبلی ہال، سندھ اسمبلی ہال، پنجاب اسمبلی ہال، خیبرپختونخواہ اسمبلی ہال پولنگ سٹیشنز میں تبدیل کر دئے گئے ہیں۔پولنگ کا عمل صبح 9 سے دن 4 بجے تک ہوگا،اسلام آباد میں دو نشستوں پر 4 امیدوار میدان میں ہیں،اسلام آباد سے سینیٹ کی جنرل نشست کے لئے پیپلز پارٹی کے رانا محمود الحسن مضبوط امیدوار ہیں،ٹیکنوکریٹ کی نشست کے لئے ن لیگی رہنما اور وزیر خارجہ اسحاق ڈار مضبوط امیدوار ہیں،جنرل نشست کے لئے آزاد امیدوار فرزند حسین شاہ جبکہ ٹیکنوکریٹ نشست کے لئے عنصر کیانی بھی مدمقابل ہیں،سینٹ کی 48 نشستوں میں سے 18 نشستوں پر امیدوار پہلے ہی بلا مقابلہ منتخب ہوچکے ہیں بلوچستان کی 11 جبکہ پنجاب کی 7 جنرل نشستوں پر امیدوار بلامقابلہ منتخب ہوئے، الیکشن کمیشن کے مطابق سینٹ انتخابات میں ووٹ ڈالنے کے لیے چار رنگوں کے بیلٹ پپیرز استعمال ہوں گے،جنرل نشستوں کے لیے سفید رنگ کے بیلٹ پیپرز پر ووٹ کاسٹ کیا جائے گا،ٹیکنوکریٹ نشستوں کے لیے سبز رنگ کا بیلٹ پیپر ووٹ ڈالنے کیلئے استعمال ہوگا، خواتین کی مخصوص نشستوں کے لیے گلابی رنگ کے بیلٹ پیپر پر ووٹ کاسٹ کیا جائے گا،جبکہ غیر مسلم کی نشستوں کے لیے پیلے رنگ کا بیلٹ پپیر ووٹ ڈالنے کیلئے استعمال کیا جائے گا