جنگ نہیں چاہتے لیکن مہم جوئی کا وسیع پیمانے پر جواب دیں گے، ایران نے اسرائیل کو خبردار کردیا

 ایران کی خبر ایجنسی مہرنےخبر دی ہے کہ ایران کے سپاہ پاسداران اسرائیلی جارحیت کے جواب میں بھرپور کارروائی کے بعد صہیونی حکام کی نفسیاتی جنگ پر اپنا ردعمل دیا ہے اور خبردار کیا ہے کہ کسی بھی بے وقوفی کی صورت میں ناجائز ریاست کے خلاف وسیع پیمانے پر کارروائی کی جائے۔ایک اعلیٰ ایرانی دفاعی عہدیدار نے اس حوالے سے کہا ہے کہ ایرانی مفادات کے خلاف کسی قسم کے اقدام کی صورت میں دشمن کو منہ توڑ جواب دیا جائے گا۔انہوں نے کہا کہ ایران نے گذشتہ حملے میں ابتدائی سطح کا اسلحہ استعمال کیا ہے۔ دوسری سطح کا حملہ پہلے سے زیادہ تباہ کن اور موثر ہوگا۔ اسرائیل کو معلوم ہونا چاہئے کہ ایران جیسے ملک کے خلاف بدمعاشی نہیں چلے گی۔