اسرائیلی بربریت فلسطین میں شہادتیں34ہزار300سے بڑھ گئیں

فلسطینی وزارت صحت کی جانب سےغزہ پر صیہونی جارحیت میں شہداء اور زخمیوں کے اعدادوشمارجاری کئے گئے ہیں جن کے مطابق، 7 اکتوبر 2023 سے اب تک فلسطینی شہداء کی تعداد 34 ہزار 305 ہو گئی ہے۔صہیونی فوج نے گزشتہ 24 گھنٹوں کے دوران مزید 43 فلسطینیوں سے جینے کا حق چھین لیا 64 کو زخمی بھی کیا۔فلسطینی ذرائع کے مطابق مشرقی رفح میں الجنینہ محلے میں گھر پر اسرائیلی حملے میں زخمی ہونے والے صحافی محمد بسام الجمل زخموں کی تاب نہ لاتے ہوئے چل بسے۔جس کے بعدجنگ کے آغاز سے غزہ میں میڈیا کے شہداء کی تعداد 141 ہو گئی ہے۔