سارا تل ابیب نیتن یاہو کے خلاف سڑکوں پر آگیا

صیہونی حکومت کی جنگی پالیسیوں کے خلاف اسرائیلی عوام سخت ناراض ملک بھر میں مظاہرے پھوٹ پڑے،صیہونی آبادکاروں نےجمعرات کی رات کو اسرائیلی وزیر اعظم بنیامین نیتن یاہو کی رہائشگاہ کے سامنے شدید احتجاج کیا اورحماس کے ہاتھوں قیدی بنائے گئے صیہونیوں کی فوری رہائی اور فلسطینی مزاحمت کے ساتھ فوری جنگ بندی کے سمجھوتے پر دستخط کا مطالبہ کیا۔اسرائیلی قیدیوں کے اہل خانہ نے صیہونی حکومت کی داخلی سلامتی کے وزیر ایتامار بن گویر کے خلاف بھی نعرے لگائے اور پولیس کے ساتھ انکی جھڑپیں بھی ہوئیں۔