ایران کے نائب صدر محسن منصوری نے کہا ہے کہ تین ہیلی کاپٹرز کا قافلہ آزربائیجان سے واپس آرہا تھا کہ جولفہ کے مقام۔ پر جب صدر مملکت کو لے جانے والے ہیلی کاپٹر کا رابطہ باقی دو ہیلی کاپٹروں سے منقطع ہوگیا۔
ان دو ہیلی کاپٹروں نے صدر کے ہیلی کاپٹر کو تلاش کرنے کی کوشش کی اور اس پرواز میں سوار ایک شخص اور پائیلٹ سے رابطہ قائم ہوا جس سے اندازہ ہوا کہ حادثے کی شدت زیادہ نہیں تھی۔
واقعے کے فوری بعد، ہلال احمر امدادی کمیٹی، پولیس، فوج اور سپاہ پاسداران انقلاب کو علاقے میں تعینات کیا گیا۔قابل ذکر ہے کہ صدر مملکت آیت اللہ سید ابراہیم رئیسی نےاتوار کی صبح آذربائیجان کے صدر کے ساتھ قیز قلعہ سی ڈیم کا افتتاح کیا اور اس کے بعد تبریز ریفائنری کے ایک منصوبے کے افتتاح کے لئے واپس لوٹ رہے تھے کہ ان کا ہیلی کاپٹر حادثے کا شکار ہوگیا۔
