ایران کی نیم سرکاری خبررساں ایجنسی مہرکے مطابق شہید صدرسیدابراہیم رئیسی اور ان کے ساتھی شہداء کی نماز جنازہ صبح نو بجے تہران یونیورسٹی میں ادا کردی گی۔
نماز جنازہ ایران کے سپریم لیڈر آیت اللہ سید علی خامنہ ای نے پڑھائی۔شہداء کی نماز جنازہ کے بعد لاکھوں لوگوں کے جلوس میں میں تہران یونیورسٹی سے آزادی اسکوائر کی طرف لےجائی گئیں۔
سرکاری سطح پر آخری رسومات کی ادائیگی کے بعد شہداء کو تدفین کے لئے مختلف شہروں کی طرف روانہ کیا جائے گا۔
شہید صدر رئیسی کی سرکاری رسومات میں شرکت کیلئے عالمی رہنما اور غیر ملکی وفود کی تہران آمد کا سلسلہ جاری ہے۔اب تک 40 سے زائد غیر ملکی اعلی سطحی وفود تہران پہنچ چکے ہیں جن میں سربراہان مملکت اور وزراء شامل ہیں
