پاکستان کو اسلامی دنیا کا واحد ایٹمی طاقت بنے 26 سال مکمل ہوگئے

آج پاکستان بھرمیں یوم تکبیر قومی جوش وجذبے سے منایا جا رہا ہے28مئی1998کو پاکستان نے بھارت کے5 ایٹمی دھماکوں کے جواب میں 6 ایٹمی دھماکے کرکے ملک کے دفاع کو ناقابلِ تسخیر بنا دیا۔آج پوری قوم کو اپنےایٹمی سائنسدانوں پرفخرہے.ایٹمی تجربات نےثابت کیا پاکستان اپنی خود مختاری پر کبھی سمجھوتہ نہیں کرے گا۔یوم تکبیر پیغام ہے کہ پاکستان کیخلاف جارحیت کا مظاہرہ کرنے والوں کا انجام عبرتناک ہوگا۔آج پاکستان 1998ء کے مقابلے میں زیادہ مضبوط اور مستحکم ہےآج پاک فوج اور جمہوری قیادت ایک پلیٹ فارم پر متحد ہے1998 سے اب تک پاکستان نے ملکی دفاع کو ناقابلِ تسخیر بنانے کیلئے ابدالی، ابابیل، غزنوی، شاہین، غوری اور بابر، فتح اور دیگر بیلسٹک میزائلز کا کامیاب تجربہ کر چکا ہے۔پاکستان جنوبی ایشیا میں امن و استحکام کے ماحول کو فروغ دینے کےلیے پرعزم ہے اور کسی بھی صورت میں جارحیت کو روکنے کی اپنی کاوشوں کو جاری و ساری رکھے گا