کراچی کے شہریوں کے لیے بجلی ایک بار پھرمہنگی کر دی گئی

کراچی کے شہریوں کے لیے بجلی 9 روپے 98 پیسے فی یونٹ مہنگی کردی گئی۔نیپرا نے کے الیکٹرک صارفین کیلئے بجلی مہنگی کرنے کا نوٹیفکیشن جاری کردیا بجلی 9 ماہ کی ماہانہ فیول ایڈجسٹمنٹ کی مد میں مہنگی کی گئی۔کے الیکٹرک صارفین سے جون تا ستمبر اضافی وصولیاں کی جائیں گی۔کے الیکٹرک صارفین کو جون میں 2 روپے 67 پیسے فی یونٹ اضافی دینا ہوں گے۔جولائی میں 3 روپے 10 پیسے فی یونٹ اضافی ادائیگی کرنا ہوگی۔کے الیکٹرک صارفین کو اگست میں 3 روپے 22 پیسے فی یونٹ اضافی دینا ہوں گے۔ستمبر میں 99 پیسے فی یونٹ اضافی ادا کرنا ہوں گےاضافے کا اطلاق کے الیکٹرک کے لائف لائن صارفین پر نہیں ہوگا۔کے الیکٹرک نے اکتوبر 2023ء تا مارچ 2024ء کے لیے درخواست دی تھی