یمنیوں کا اسرائیل پر کاری وار، جدید ڈرون سے تل ابیب کو نشانہ بنایا، متعدد ہلاک وزخمی

ن کی مسلح افواج کے ترجمان جنرل یحییٰ السریع نے اپنے ویڈیو بیان میں کہا ہے کہ تل بیب کے خلاف اپنے یافا نامی ایک ڈرون کے ذریعےخصوصی آپریشن کی ہے۔ جس میں امریکی سفارت خانے کے قریب عمارت کو نشانہ بنایا گیا۔جس میں متعدد ہلاکتوں کی اطلاعات ہیں تاہم صیہونی میڈیا نے صرف ایک ہلاکت کا اعتراف کیا ہے۔ صیہونی ذرائع ابلاغ کے مطابق یہ دھماکا ایک بڑے ڈرون کے حملے کے نتیجے میں ہوا ہے جو کم بلندی پر پرواز کرتے ہوئے 2000سے زائد کلو میٹر کا فاصلہ طے کرکے سمندر کی جانب سے تل ابیب تک پہنچا۔ادھر امریکی حکومت کے ایک عہدے دار نے سی این این کو بتایا ہے کہ امریکی قونصل خانے کے قریب ایک دھماکہ ہوا ہے۔ اطلاعات ہیں کہ اس دھماکے کی خبر عام ہونے کے بعد صیہونی وزیراعظم نیتن یاہو نے اپنا دورہ امریکا ملتوی کر دیا ہے۔دوسری طرف یمن کی سیاسی کونسل کے رکن حزام اسد نے المیادین ٹی وی سے گفتگو کرتے ہوئےڈرون آپریشن کو ایک نئے اسٹریٹیجک مرحلے کا آغاز قرار دیا اور صیہونی حکومت کو خبردار کیا کہ وہ اب اپنے تمام شہروں میں یمن کی مسلح افواج کے حملوں کا منتظر رہے۔