قوم نئے انتخابات کی تیاری کرے، عمر ایوب

پاکستان تحریک انصاف کے رہنما اور قومی اسمبلی میں اپوزیشن لیڈر عمرایوب نے کہا ہے کہ ن لیگ کی حکومت پاک فوج اور تحریک انصاف کو آمنے سامنے لانا چاہتی ہے لیکن تحریک انصاف اور سپہ سالار جنرل عاصم منیر ایسا ہونے نہیں دیں گے۔اڈیالا جیل میں بانی پی ٹی آئی عمران خان سے ملاقات کے بعد گفتگو کرتے ہوئے عمرایوب کا کہنا تھاکہ پی ڈی ایم حکومت ڈوب چکی ہے، قوم نئے عام انتخابات کی تیاری کرے انہوں نے کہا کہ 9 مئی اور18 مارچ سے متعلق سی سی ٹی وی فوٹیجز غائب کردی گئیں، بانی پی ٹی آئی عمران خان اس کیلئے خود عدالت میں کیس دائر کریں گے۔اس موقع پر چیئرمین تحریک انصاف بیرسٹرگوہر نے کہا کہ بھوک ہڑتال پرامن احتجاج ہے جو بانی پی ٹی آئی عمران خان کی رہائی تک جاری رہے گا