تہران، شہید اسماعیل ہنیہ کی نماز جنازہ سپریم لیڈر کی امامت میں ادا

ایران میں اسرائیلی حملے میں شہید ہونے والے حماس کے رہنما اسماعیل ہنیہ کی نماز جنازہ ادا کردی گئی نمازجنازہ ایران کے سپریم لیڈر آیت اللہ سید علی خامنہ ای کی اقتداء میں ادا کر دی گئی۔نماز جنازہ میں ایرانی صدر ڈاکٹر مسعود پزشکیان، آرمی چیف سمیت اہم سول و فوجی حکام نے شرکت کی۔نماز جنازہ کے بعد تہران یونیورسٹی سے جنازوں کو آزادی اسکوائر کی طرف لے جایا جارہا ہے۔جلوس جنازہ میں شرکت کے لئے بڑی تعداد میں لوگ تہران یونیورسٹی میں جمع ہورہے ہیں۔صبح سویرے لوگوں کی آمد کی وجہ سے یونیورسٹی کے اطراف کی سڑکیں لوگوں سے کھاکھچ بھر گئی ہیں۔حکومت کے اعلان کے مطابق تہران یونیورسٹی کے دروازے صبح ساڑھے پانچ بجے کھولے گئے ہیں۔