خیبر کو دوبارہ فتح کرنے کا وقت آگیا،حماس کی حزب الله کو پیغام

فلسطین کی اسلامی مزاحمتی محاذ نے اسرائیل کے خلاف عنقریب فتحیاب ہونے کی نوید سناتے ہوئے بھرپور مدد کرنے پر لبنان کی مذاحمتی تنظیم حزب الله کا شکریہ ادا کیا ہے اپنے پغام میں محاذ نےحزب اللہ کے سربراہ سید "حسن نصر اللہ”،تنظیم کے شہداء، اورزخمیوں کو مبارک باد دیتے ہوئے کہا ہے: پیارے بھائيو! آپ لوگ ہمارے بہترین بھائی، مددگار اور مزاحمت کے سچے اور وفادار ساتھی ہیں ، دس مہینوں سے زیادہ کا وقت ہے کہ ہم آپ کی جد و جہد و جاں فشانی کا مشاہدہ کر رہے ہیں ، آپ کے پاس جو کچھ ہے اس سے دشمن کا مقابلہ کر رہے ہيں اور وہ آپ سے خوف زدہ ہے،امت کے لئے یہ ایک فیصلہ کن تاریخی دور ہے،دشمن غزہ پٹی میں خوف و وحشت سے ادھر ادھر بھاگ رہا ہے اور وہ بھیانک ایام کے خوف سے بے چین ہے۔پیغام میں کہا گيا ہےکہ دشمن سے جنگی حساب کتاب میں بہت بڑی غلطی ہو گئی ہے اور ہمیں یقین ہے کہ آپ اپنی ذمہ داری کو بخوبی پورا کریں گے۔ آپ کی طاقت اور موثر جہاد اور ایران سے لے کر شام، عراق اور یمن تک مزاحمتی محاذ کے ہمارے بھائیوں کی طاقت کا ہم مشاہدہ کریں گے۔ اے بہادر مجاہدو! اب خیبر کو دوبارہ فتح کرنے اور اسرائيل کو تباہ کرنے کا وقت آگيا ہے۔ اس لئے فتح اور فلسطین کی سرزمین اور اس کے مقدس مقامات کی آزادی تک صبر سے کام لیں۔