وزارت اطلاعات ونشریات کے فارن میڈیا سیل کی جانب سےاتوار کوجاری بیان میں بتایا گیا ہے کہ غزہ کے میڈیکل کے طلبا وطالبات کا یہ گروپ پاکستان کی جانب سےاسکالر شپ پر اپنی میڈیکل کی تعلیم پاکستان میں جاری رکھے گا۔ رپورٹ کے مطابق اتوار کو مصر سے لاہور پہنچنے والے طلبا کےگروپ میں ستائیس طلبا وطالبات شامل ہیں پاکستان نے غزہ کے میڈیکل کے 192 طلبا وطلبات کی میزبانی قبول کی ہے۔یہ طلبا و طالبات ان فلسطینی طلباو طالبات میں شامل ہیں جو غاصب صیہونی حکومت کے وحشیانہ حملوں کی وجہ سے اپنی تعلیم جاری رکھنے سے قاصر ہیں۔طلبا وطالبات حکومت پاکستان اور چند بین الاقوامی تنظیموں اور این جی اوز کے تعاون سے مکمل اسکالر شپ پر پاکستان میں اپنی تعلیم جاری رکھیں گے۔ وزیر اعظم میاں شہباز شریف نے حکم دیا ہے کہ ان طلبا وطالبات کو مکمل مالی سہولیات کے ساتھ پاکستانی میڈیکل کالجوں میں اپنی تعلیم جاری رکھنے کی سبھی سہولتیں فراہم کی جائیں۔
غزہ کے میڈیکل یونیورسٹی طلبا کا پہلا گروپ پاکستان پہنچ گیا
Date:
