اسلام آباد بینک ڈکیتی کیس میں اہم۔ کامیابی، مرکزی ملزم گرفتار،

بینک ڈکیتی کیس میں اسلام آباد پولیس کو اہم کامیابی  حاصل ہو گئی۔ڈی آئی جی اسلام آباد سید علی رضانے ریسکیو 15 آفس میں پریس کانفرنس۔ کرتے ہوئے کہا ہے کہ بینک ڈکیتی کیس میں ملوث ڈکیت ملزم سلیمان کو گرفتار کر لیا گیا۔ اور ان سے لوٹی گئی رقم، اسلحہ، ایمونیشن اور وارداتوں میں استعمال ہونے والا موٹر سائیکل بھی برآمدکرلیا گیا ہے۔ انھوں نے کہا کہ پولیس ٹیموں نے پانچ دن تک انتھک محنت کی بالخصوص سی آئی اے اور سی ٹی ڈی نے انسانی وسائل، سیف سٹی کیمروں، ڈیجیٹل سرویلنس اور ڈیٹا اینالائز کر کے ڈکیت کو گرفتار کیا۔ ملزم وارداتوں میں پہلے صوبہ پنجاب میں بھی چالان ہو چکا ہے۔ ڈی آئی جی اسلام آبادکا کہنا تھا کہ اسلام آباد پولیس ہر شہری، ہر گھر، دفتر کی سیکیورٹی کی زمہ دار ہے۔ اسلام آباد میں جرائم کی شرح میں واضح کمی آئی ہے جسے مزید بہتر کرنے کے لئے کوشاں ہیں۔ آئی جی اسلام آباد سید علی ناصر رضوی نے پولیس ٹیمز کے لئے انعامات کا اعلان بھی کیا ہے۔