چھبیسیویں آئینی ترمیم کے معاملے پر فل کورٹ بنچ کی تشکیل کیلئے دو سینئر ججز نے چیف جسٹس کو خط لکھ دیا، دونوں سینئر ججز نے اسی ہفتے 26 ویں ترمیم کا کیس فل کورٹ میں لگانے کا مطالبہ کر دیا
جسٹس منصور علی شاہ اور جسٹس منیب اختر کی جانب سے چیف جسٹس کو لکھے گئے خط میں کہا گیا ہے کہ دونوں سینئر ججز نے 31 اکتوبر کو چیف جسٹس سے کمیٹی اجلاس بلانے کا مطالبہ کیا تھا، چیف جسٹس کے اجلاس نہ بلانے پر سیکشن دو کے تحت ہم ججز نے خود اجلاس بلایا، اکتیس اکتوبر کی کمیٹی کی میٹنگ میں دو ججز نے فیصلہ کیا کہ 26 ویں ترمیم کیخلاف کیس چار نومبر کو فل کورٹ سنے گی، کمیٹی کے فیصلے کے باوجود کوئی کاز لسٹ جاری نہیں ہوئی، کمیٹی اجلاس کا فیصلہ موجود ہے اور سب پر لازم ہے،اسی ہفتے 26ویں ترمیم کیخلاف درخواستیں فل کورٹ کے سامنے لگائی جائیں، دونوں ججز نے 31 اکتوبر کے میٹنگ منٹس رجسٹرار کو ویب سائٹ پر جاری کرنے کی ہدایت بھی کر دی۔
26 آئینی ترمیم پر فل کورٹ بنچ کی تشکیل کیلئے دو سینئر ججز کا چیف جسٹس کو خط
Date:
