پہلی مرتبہ پنجاب میں ربیع سیزن میں کھاد وافر موجود، نرخ بھی نیچے آگئے

 پنجاب میں پہلی مرتبہ ربیع سیزن میں کھاد وافر موجود ہونے کی خوشخبری ملی ہے جس کے ساتھ نرخ بھی نیچے آگئے ہیں۔ پنجاب بھر میں ڈی اے پی کھاد کے 30 فیصد زائد سٹاک دستیاب ہیں پہلی مرتبہ گندم کے سیزن میں ڈی اے پی کھاد کے نرخ میں 17 فیصد کمی ریکارڈ کی گئی ہے۔اور کھاد کا ضرورت سے 125 فیصد زیادہ سٹاک موجود ہےپنجاب میں یوریا کھاد کے نرخ 25 فیصد نیچے آگئے ہیں اس بار پنجاب بھر میں ایک کروڑ 65 لاکھ ایکڑ پر گندم کی کاشت کا ہدف ہے، بوائی کا 82 فیصد ٹارگٹ مکمل کرلیا گیا ہے۔ صوبہ بھر میں 10 دسمبر تک گندم کی کاشت کا ٹارگٹ مکمل کرلیا جائے گاپنجاب بھر میں 3 لاکھ 26 ہزار ایکڑ سرکاری اراضی پر گندم کی کاشت کی گئی ہے۔صوبہ بھر 40 ہزار یونیورسٹی ایگری گریجویٹ انٹرنز فیلڈ میں کاشت کاروں کی معاونت کیلئے موجود ہیں وزیرِاعلیٰ مریم نواز شریف کی سکیم کے تحت گندم کے کاشتکاروں کو مفت ایک ہزار گرین ٹریکٹر ز اور ایک ہزار لینڈ لیورلز کے لئے درخواستیں طلب کر لی گئی ہیں۔ وزیرِاعلیٰ مریم نواز شریف کی صوبہ بھر میں گندم کی سٹوریج کیپسٹی بہتر بنانے کی بھی ہدایت ہےاس حوالے مریم نواز شریف کی زیرِ صدارت خصوصی اجلاس میں وزیر اعلیٰ نےوزیرِ زراعت اور ان کی ٹیم کو سراہا۔