بشرہ بی بی نے جو کیا میرے حکم پر ہی کیا، عمران خان

 پاکستان تحریک انصاف کے بانی عمران خان نے کہا ہے کہ حقیقی آزادی کی تحریک ان ہتھکنڈوں سے رکنے والی نہیں، نہ میں پیچھے ہٹوں گا نہ پاکستانی قوم، اگر ہم نے آج ہار مان لی تو پاکستانی قوم کا کوئی مستقبل نہیں ہوگا۔اڈیالہ جیل سے جاری بیان میں بانی پی ٹی آئی نے کہا کہ جہاں تک آپریشن کی کامیابی اور ناکامی کا سوال ہے تو آپریشنز تو بندوق کے زور پر کامیاب ہو ہی جاتے ہیں،لال مسجد آپریشن بھی کامیاب ہی تھا، یحییٰ خان نےبھی اپریشن کامیاب کیا تھا مگر اس کے ایک ماہ بعد ملک 2 ٹکڑے ہو گیا تھا، اسلام آباد میں جو خون کی ہولی کھیلی گئی اس کا اثر بہت دیر پا ہوگا۔