یمن کے الحدیدہ پر امریکی اتحاد کے ہوائی حملے، بڑا نقصان

عالمی میڈیا کےمطابق بدھ کی صبح یمن کے مغربی علاقے میں کئی دھماکوں کی آوازیں سنی گئی ہیں۔المسیرہ نےبتایا ہے کہ صوبہ الحدیدہ کے جنوبی علاقے التحیتہ پر امریکہ اور برطانیہ نے ہوائی حملہ کیا گیا ہے۔حملے کی مزید تفصیلات کے بارے میں ابھی کوئی رپورٹ موصول نہیں ہوئی ہے۔یمنی مسلح افواج نے غزہ کی پٹی پر اسرائیلی رژیم کے حملوں میں اضافے کے بعد اس رژیم سے وابستہ کسی بھی جہاز اور فلسطین کے زیر قبضہ علاقوں جانے والے جہازوں کو بحیرہ احمر اور باب المندب سے گزرنے کی اجازت نہیں دی ہے۔ امریکہ نے تل ابیب سے اپنی حمایت جاری رکھتے ہوئے یمنی مسلح افواج کا مقابلہ کرنے کے لیے ایک اتحاد تشکیل دیا ہے اور اس اتحاد نے اب تک اس ملک کی سرزمین پر متعدد بار فوجی حملے کیے ہیں۔