بانی پی ٹی آئی کی کمیٹی سے ملاقات میں رکاوٹ وہی ڈال سکتا ہے جس کی دسترس ہے، راننا ثنا اللہ

وزیراعظم کے سیاسی مشیر اور حکومت کی جانب سے کمیٹی میں شریک رانا ثناء اللّٰہ نے کہا ہےکہ بانی پی ٹی آئی کی کمیٹی سے ملاقات میں رکاوٹ وہی ڈال سکتا ہے جس کی دسترس ہے،جیو ٹی وی سے بات کرتے ہوئےانہوں نے کہا کہ پی ٹی آئی کمیٹی کے ممبران نے جیل میں ملاقات کے ماحول سے متعلق بتایا تھا، ملاقات میں تاخیر کی وجہ شاید ملاقات کےلیے ایسے انتظامات ہوں کہ کمیٹی کو دوبارہ اعتراض نہ ہو، ہم نے بھی کہا تھا کہ کیس کے فیصلے کو عذر نہیں بنانا چاہیے۔رہنما مسلم لیگ ن نے کہا کہ پی ٹی آئی نے بھی کہا تھاکہ کیس کے فیصلے کا مذاکرات پر اثر نہیں ہوگا، پی ٹی آئی کو معلوم ہے کہ ٹرائل کورٹ سے سزا اور ہائی کورٹ سے ریلیف ملے گا، ہم بھی پی ٹی آئی کمیٹی کو جو جواب دیں گے لکھ کر دیں گے، اگر سامنے طے شدہ نکات نہ ہوں تو کیسے بات ہوگی۔رانا ثناء اللّٰہ نے کہا کہ پی ٹی آئی کمیٹی ارکان نے پہلے دیگر اور پھر بانی پی ٹی آئی کی رہائی کی بات کی، حکومت کے پاس بانی پی ٹی آئی کو ڈیل آفر کرنے کا کوئی ذریعہ نہیں، پہلے کریں یا بعد میں اپنے مینڈیٹ کی ڈیمانڈ وہ لازمی کریں گے۔انہوں نے کہا کہ وزیراعظم اور حکومت کا یہ تو کریڈٹ ہے کہ معیشت کو آئی سی یو سے نکال لیا، جس طرح کے الیکشن ہوتے آرہے تھے اسی طرح کا الیکشن 8 فروری کو ہوا، فری اینڈ فیئر الیکشن کیسے ہوں یہ سیاستدانوں نے بیٹھ کر طے کرنا ہے، 2018 کے بعد ہم سب بانی پی ٹی آئی کے ساتھ بیٹھنے کو تیار تھے۔