دہشت گردی کے خلاف پاکستان کی ہر قسم کی مدد کے لئے تیار ہیں، ایران

ایران کی نیم سرکاری مہر خبر رساں ادارے کے مطابق، ایران کی وزارت خارجہ کے ترجمان اسماعیل بقائی نے پاکستان میں مسافر ٹرین کو یرغمال بنانے اور بے گناہ شہریوں کی جان و مال کو خطرے میں ڈالنے پر گہری تشویش کا اظہار کرتے ہوئے دہشت گردی کی اس کارروائی کی شدید مذمت کی ہے۔انہوں نے دہشت گردی اور ہر طرح کی انتہا پسندی کی مذمت کرتے ہوئے پاکستان کی حکومت اور عوام کے ساتھ ہمدردی کا اظہار کیا۔بقائی نے دہشت گردی کے خاتمے کے لئے ایران کی آمادگی اور مدد کرنے کے عزم کا اظہار کیا۔