بجلی قیمتوں میں کمی مہنگائی کم کرنے کے حوالےبڑی کامیابی ہے: بلال اظہر کیانی

وزیر مملکت ریلوے بلال اظہر کیانی نے سندھ کے عوام کو یقین دلایا ہے کہ ان کے حصے کے پانی کا ایک قطرہ کم نہیں ہونے دیں گے، اپنی اتحادی جماعت پیپلز پارٹی کے ساتھ بیٹھ کر نہروں کے معاملے پر سیاسی، تکنیکی اور پالیسی سطح پر بات چیت کریں گے۔ جہلم کی تحصیل دینہ میں میڈیا سے گفتگو کرتے ہوئے انہوں نے کہا کہ نواز شریف اور وزیراعظم شہباز شریف کی قیادت میں مسلم لیگ( ن) کی حکومت عوام کو ریلیف دینے کا سلسلہ جاری رکھے گی، بجلی کی قیمتوں میں کمی مہنگائی مزید کم کرنے کے حوالے سے بڑی کامیابی ہے۔