سرینگر:غیرقانونی طورپر بھارت کے زیر قبضہ جموں وکشمیر میں بھارتی فورسز نے ضلع سرینگر میں 63مقامات پر چھاپے مارے۔کشمیر میڈیا سروس کے مطابق چھاپوں کے دوران حریت رہنمائوں، انسانی حقوق کے کارکنوں اور آزادی پسند کارکنوں کی رہائش گاہوں کو نشانہ بنایا گیا۔ بھارتی پولیس نے دعویٰ کیا کہ یہ چھاپے غیر قانونی سرگرمیوں کی روک تھام کے کالے قانون ”یو اے پی اے”کے تحت درج مقدموں کی تحقیقات کے سلسلے میں مارے گئے۔مقامی لوگوں نے بتایا کہ چھاپوں کے دوران خواتین اور بچوں کو ہراساں کیا گیا اور متعدد افراد سے پوچھ گچھ کی گئی۔ ان کا کہنا تھا کہ پہلگام میں بھارت کے فالس فلیگ آپریشن کے بعد اس طرح کی کارروائیوںمیں تیزی آئی ہے جس کے نتیجے میں ہزاروں کشمیریوں کو گرفتار اور درجنوں گھروں کو مسمار کیا گیاہے۔
بھارتی فورسزکے سرینگر میں 63مقامات پر چھاپے
Date:
