سوئٹزرلینڈ نے پہلگام واقعے پر غیر جانبدار تحقیقات میں تعاون کی پیشکش کردی

نائب وزیراعظم و وزیر خارجہ اسحاق ڈار اور سویٹزرلینڈ کے ہم منصب کے مابین ٹیلی فونک گفتگو ہوئی جس میں پہلگام سانحے کے بعد کی صورتحال پر تبادلہ خیال کیا گیا، ٹیلی فون پر گفتگو میں سوئس وزیر خارجہ نے پاکستان کے مؤقف اور تحقیقات کے مطالبے کی حمایت کی۔دونوں وزرائے خارجہ نے رابطے میں رہنے پر اتفاق کیا۔ اسحاق ڈار نے علاقائی صورتِ حال، بھارت کے بے بنیاد الزامات اور سندھ طاس معاہدہ معطل کرنے پر پاکستان کے تحفظات سے آگاہ کیا۔دونوں وزرائے خارجہ نے اقوام متحدہ سمیت عالمی فورمز پر قریبی رابطے جاری رکھنے پر اتفاق کیا۔