یمن پر اسرائیل اور امریکی طیاروں کی جانب سے بڑا حملہ کیا ہے،یمنی فوجی ذرائع کے مطابق حملے میں 30جنگی طیاروں نے حصہ لیا،یمنی افواج کے مطابق الحدیدہ پر ہونے والا یہ حملہ بہت شدید تھا جس میںمتعدد افراد جاں بحق اور زخمی ہوئے ہیں ادھر ایکس پر جاری بیان میں اسرائیلی فوج نے حملوں کی تصدیق کرتے ہوئے کہا ہے کہ وہ اسرائیل کے خلاف حوثیوں کے بار بار حملوں کے جواب میں تھے۔بیان کے مطابق انہوں نے بندرگاہ پر بنیادی ڈھانچے کے ساتھ ساتھ حدیدہ کے مشرق میں ایک کنکریٹ فیکٹری کو نشانہ بنایا۔ اس میں کہا گیا ہے کہ یہ فیکٹری حوثیوں کے لیے ایک اہم معاشی وسیلہ کے طور پر کام کرتی ہے اور اسے سرنگیں اور فوجی انفراسٹرکچر بنانے کے لیے استعمال کیا جاتا ہے۔ بیان میں مزید کہا گیا ہے کہ حوثی ایرانی رہنمائی اور فنڈنگ کے ساتھ اسرائیل اور اس کے اتحادیوں کو نقصان پہنچانے، علاقائی امن کو خراب کرنے اور جہاز رانی کی عالمی آزادی کو متاثر کرنے کے لیے کام کر رہے ہیں۔
