سکردوحادثے میں جاں بحق 4 دوستوں کی لاشیں گجرات پہنچا دی گئیں

سکردو کے علاقے روندو میں روڑ حادثے میں جاں بحق ہونے والے 4 دوستوں کی لاشیں گجرات میں واقع ان کے آبائی گاؤں پہنچا دی گئیں۔اسکردو سے نمائندہ پاک وائر کے مطابق جاں بحق ایک نوجوان عثمان ڈار کی نماز جنازہ آبائی گاؤں ساروکی میں ادا کی گئی۔سلیمان نصراللّٰہ کے اہلِ خانہ کے مطابق اس کی نمازِ جنازہ موضع جسوکی میں ادا کی گئی۔ دیگر جاں بحق افراد کی نمازِ جنازہ کل نواحی گاؤں کوٹ گھکہ میں صبح ساڑھے 10 بجے ادا کی جائے گی۔اہلِ خانہ کے مطابق چاروں دوست 12 مئی کو گھروں سے شمالی علاقہ جات کی سیر کے لیے نکلے تھے۔