بھارتی فوج کا پاکستان کے ساتھ جنگ کے دوران لڑاکا طیاروں کی تباہی کا اعتراف

سنگاپور میں منعقدہ شنگریلا ڈائیلاگ کے دوران بھارت کے چیف آف ڈیفنس اسٹاف جنرل انیل چوہان نے پہلی بار اعتراف کیا ہے کہ پاکستان کے ساتھ مئی 5202ء میں ہونے والی جھڑپوں کے دوران بھارتی فضائیہ نے چند طیارے کھوئے۔ امریکی میڈیا ادارے بلوم برگ کو انٹرویو دیتے ہوئے جب ان سے پوچھا گیا کہ کیا پاکستان نے بھارت کا طیارہ گرایا، تو انہوں نے اثبات میں جواب دیا، تاہم انہوں نے درست تعداد ظاہر کرنے سے گریز کیا۔ جنرل چوہان نے کہا کہ طیاروں کا گرنا نہیں بلکہ یہ جاننا زیادہ اہم ہے کہ وہ کیوں گرے۔ ان کے بقول، بھارتی فضائیہ نے غلطیوں کی نشاندہی کر کے اصلاحات کیں اور صرف دو روز بعد دوبارہ طیارے اُڑا کر لانگ رینج اہداف کو کامیابی سے نشانہ بنایا۔ پاکستان کا مؤقف ہے کہ اس جھڑپ میں اس نے بھارت کے چھ جنگی طیارے، جن میں رافیل بھی شامل تھا، مار گرائے، لیکن جنرل چوہان نے اس دعوے کو رد کرتے ہوئے کہا کہ یہ اعدادوشمار درست نہیں۔ ان کا کہنا تھا کہ بھارت کے لیے اہم بات یہ ہے کہ اس نے ان واقعات سے سبق سیکھا اور اپنی حکمت عملی میں بہتری لائی۔