بابراعظم بیچ سڑک پر مداحوں سے الجھ پڑے، ویڈیو وائرل

قومی کرکٹ ٹیم کے سابق کپتان بابراعظم بنگلہ دیش کے خلاف سیریز سے باہر ہونے کے بعد ایک ناخوشگوار واقعے کا شکار ہو گئے، جس کی ویڈیو سوشل میڈیا پر تیزی سے وائرل ہو رہی ہے۔سماجی رابطے کی ویب سائٹ ایکس پر گردش کرتی ویڈیو میں دیکھا جا سکتا ہے کہ بابراعظم سڑک پر کچھ نوجوانوں کے ساتھ تکرار کرتے نظر آتے ہیں۔ ویڈیو میں مداحوں کا ہجوم انہیں گھیرے ہوئے ہے جبکہ بابراعظم کسی بات پر غصے میں نظر آتے ہیں، اگرچہ ان کی بات چیت کی آواز واضح نہیں ہے جس سے اصل معاملہ سمجھنا مشکل ہے۔ویڈیو میں بابراعظم ایک مداح کو دھکا دے کر ہجوم سے نکلتے اور اپنی گاڑی کی طرف بڑھتے دکھائی دیتے ہیں۔ یہ کلپ وائرل ہونے کے بعد سوشل میڈیا پر انہیں شدید تنقید کا سامنا ہے، جہاں صارفین ان کے رویے کو غیر مناسب قرار دے رہے ہیں۔