پاک بنگلہ دیش ٹی 20 سیریز، آخری میچ آج قذافی اسٹیڈیم میں کھیلا جائیگا

پاکستان اور بنگلہ دیش کے درمیان تین ٹی 20 میچوں پر مشتمل سیریز کا تیسرا اور آخری مقابلہ آج قذافی اسٹیڈیم لاہور میں کھیلا جائے گا۔پاکستانی ٹیم پہلے ہی ابتدائی دو میچز جیت کر سیریز اپنے نام کر چکی ہے۔ آج کا میچ پاکستانی وقت کے مطابق رات 8 بجے شروع ہوگا۔اگرچہ یہ میچ رسمی حیثیت رکھتا ہے، تاہم دونوں ٹیمیں بہترین کھیل پیش کرکے سیریز کا اختتام شاندار انداز میں کرنے کی خواہاں ہیں۔قومی ٹیم کی قیادت آل راؤنڈر آغا سلمان کے سپرد ہے، جبکہ بنگلہ دیشی ٹیم کی قیادت وکٹ کیپر بیٹر لٹن داس کر رہے ہیں۔