سیالکوٹ, حلقہ پی پی 52 میں ضمنی انتخاب کے لیے پولنگ کا عمل شروع

سیالکوٹ میں صوبائی اسمبلی کے حلقہ پی پی 52  میں ضمنی انتخابی عمل کیلئے پولنگ صبح 8 بجے شروع ہوا جو بغیر کسی وقفے کے شام 5 بجے تک جاری رہے گی۔الیکشن کمیشن نے سیکیورٹی خدشات کے پیش نظر 11 پولنگ اسٹیشنز کو انتہائی حساس جبکہ 38 کو حساس قرار دیا ہے۔اس حلقے میں مسلم لیگ نواز کی حنا ارشد، پی ٹی آئی کے حمایت یافتہ فاخر نشاط، اور پیپلز پارٹی کے راحیل کامران چیمہ کے درمیان کانٹے دار مقابلے کی توقع کی جا رہی ہے۔ یہ نشست مسلم لیگ نواز کے رکنِ صوبائی اسمبلی ارشد وڑائچ کے انتقال کے باعث خالی ہوئی تھی۔