غزہ کی پٹی میں اسرائیل کے وحشیانہ حملے جاری ہیں جہاں گزشتہ 48 گھنٹوں میں فضائی بمباری کے باعث 70 سے زائد رہائشی عمارتیں تباہ ہو چکی ہیں اور درجنوں فلسطینی شہید ہو گئے ہیں، جن میں شیخ رضوان مارکیٹ پر کیے گئے حملے میں 54 افراد جاں بحق ہوئے۔ عرب میڈیا اور فلسطینی حکام کے مطابق اسرائیلی فضائیہ نے نہ صرف رہائشی علاقوں کو نشانہ بنایا بلکہ امداد کے لیے جمع ہونے والے فلسطینیوں پر بھی حملہ کیا، جس سے بھاری جانی نقصان ہوا۔ اقوام متحدہ کے انسانی حقوق کے دفتر (OHCHR) نے اسرائیل کی امدادی سامان کی تقسیم روکنے اور اسے ہتھیار کے طور پر استعمال کرنے کی شدید مذمت کی ہے اور اسے جنگی جرم اور نسل کشی جیسے بین الاقوامی جرائم قرار دیا ہے۔
