ثناء یوسف کی تدفین کردی گئی

چترال کی رہائشی ٹک ٹاکر ثناء یوسف، جنہیں گزشتہ روز اسلام آباد میں فائرنگ کر کے قتل کیا گیا تھا، کی تدفین ان کے آبائی علاقے میں کر دی گئی، جس میں اہلِ علاقہ کی بڑی تعداد نے شرکت کی۔ آئی جی اسلام آباد علی ناصر رضوی نے پریس کانفرنس میں بتایا کہ اس ہائی پروفائل کیس سے ملک بھر میں شدید تشویش کی لہر دوڑ گئی تھی۔ ملزم کی شناخت ایک 22 سالہ میٹرک فیل نوجوان کے طور پر ہوئی ہے، جو مسلسل ثناء یوسف سے رابطے کی کوشش کر رہا تھا، تاہم وہ اسے بار بار رد کر رہی تھیں۔ برتھ ڈے کے موقع پر بھی ملزم نے شدید کوشش کی لیکن ناکامی پر اس نے قتل کا منصوبہ بنایا، جو بالآخر جان لیوا ثابت ہوا۔