یوکرین نے 18 ماہ کی منصوبہ بندی کے بعد "دی سپائیڈر ویب” آپریشن کے تحت روس کے چار ایئربیسز پر بڑے پیمانے پر ڈرون حملہ کیا، جس میں روسی فضائیہ کے 41 اسٹریٹجک بمبار طیارے تباہ یا شدید نقصان کا شکار ہو گئے، جن میں Tu-22M، Tu-95 اور جدید A-50 وارننگ طیارے شامل تھے۔ یہ طیارے یوکرین پر کروز اور بیلسٹک میزائل حملوں کے لیے استعمال ہو رہے تھے۔ الجزیرہ کے مطابق یوکرینی خفیہ ایجنسی نے کم قیمت، چھوٹے ایف پی وی ڈرونز کو لکڑی کے کریٹس میں چھپا کر ایئربیسز کے قریب پہنچایا، جنہوں نے دفاعی نظام کو چکمہ دیتے ہوئے کامیابی سے اہداف کو نشانہ بنایا۔
