بلاول بھٹو کی قیادت میں پاکستانی وفد واشنگٹن پہنچ گیا۔

بلاول بھٹو کی قیادت میں پاکستانی وفد نے نیویارک کا دورہ مکمل کرکے واشنگٹن پہنچ گیا جہاں وفد کا پاکستان کے سفیر رضوان سعید شیخ اور دیگر سینئر سفارتی عملے نے استقبال کیا۔ بلاول بھٹو کی قیادت میں 9 رکنی وفد 6 جون تک واشنگٹن میں قیام کرے گا اور اس دوران امریکی حکام، تھنک ٹینک اور میڈیا سے ملاقاتیں کرے گا۔ وفد نے نیویارک میں اقوام متحدہ کے سیکریٹری جنرل انتونیو گوتریس، جنرل اسمبلی کے صدر اور سلامتی کونسل کے منتخب اراکین سے ملاقاتیں کیں اور بھارت کی آبی جارحیت، کشمیر کے مسئلے اور اشتعال انگیزی کے حوالے سے پاکستان کا مقدمہ پیش کیا۔ بلاول بھٹو امریکی حکام کو مسئلہ کشمیر کے پرامن حل پر زور دیں گے اور سابق وزیر خارجہ کی کشمیر کے حل کی پیشکش پر ٹرمپ انتظامیہ کا شکریہ ادا کریں گے، جبکہ مسئلہ کشمیر کا حل کشمیریوں کی امنگوں اور اقوام متحدہ کی قراردادوں کے مطابق یقینی بنانے کی بات کریں گے۔