ہوشیار باش،پنجاب میں گرمی کی لہر 12 جون تک برقرار رہے گی، پی ڈی ایم اے

ترجمان پراونشل ڈیزاسٹر مینجمنٹ اتھارٹی پنجاب عرفان کاٹھیا نے اپنے ایک بیان میں کہا ہے کہ صوبہ پنجاب میں 12 جون تک شدید گرمی کی لہر برقرار رہنے کا امکان ہے، اور اس دوران درجہ حرارت معمول سے 4 سے 7 ڈگری سینٹی گریڈ زیادہ رہ سکتا ہے۔انہوں نے واضح کیا کہ بہاولپور، ڈیرہ غازی خان اور ملتان میں ہیٹ ویو زیادہ شدت اختیار کر سکتی ہے، جب کہ سرگودھا میں درجہ حرارت 47 ڈگری سینٹی گریڈ تک ریکارڈ کیا گیا ہے۔ لاہور، ملتان، فیصل آباد اور دیگر میدانی علاقوں میں درجہ حرارت 45 ڈگری سینٹی گریڈ تک پہنچ چکا ہے۔ترجمان کے مطابق وزیراعلیٰ پنجاب کی ہدایت پر تمام متعلقہ ادارے الرٹ ہیں، چولستان میں صاف پانی کی فراہمی یقینی بنائی جا رہی ہے، اور تمام سرکاری اسپتالوں میں ہیٹ ویو سے نمٹنے کے لیے خصوصی کاؤنٹرز قائم کر دیے گئے ہیں۔