پنجاب حکومت نے بجٹ پیش کرنے کی تاریخ تبدیل کردی

پنجاب حکومت نے مالی سال 2025-26 کے صوبائی بجٹ کی پیشکش کی تاریخ میں تبدیلی کر دی ہے۔ اب بجٹ 13 جون کے بجائے 16 جون کو پیش کیا جائے گا۔ وزیر خزانہ پنجاب مجتبیٰ شجاع الرحمان نے میڈیا سے گفتگو کرتے ہوئے بتایا کہ بجٹ کی تیاری جاری ہے اور اسے حتمی شکل دینے کے لیے مزید وقت درکار ہے۔انہوں نے واضح کیا کہ آئندہ بجٹ "ٹیکس فری” ہوگا، یعنی عوام پر کوئی نیا ٹیکس عائد نہیں کیا جائے گا۔ ان کے مطابق حکومت کا مقصد عوام کو ریلیف فراہم کرنا ہے، اور اسی تناظر میں بجٹ کی ترجیحات طے کی جا رہی ہیں۔