یا تو تم رہو گے یا ہم، یا ہم اپنی منزل حاصل کریں گے یا پھر سیاست کو خیرباد کہہ دیں گے۔گنڈا پور

وزیراعلیٰ خیبرپختونخوا علی امین گنڈا پور نے حکومت کو 90 دن کا الٹی میٹم دیتے ہوئے کہا ہے کہ یا تو تم رہو گے یا ہم، یا ہم اپنی منزل حاصل کریں گے یا پھر سیاست کو خیرباد کہہ دیں گے۔ اُن کا کہنا تھا کہ اگر ہمارے ارکان اسمبلی کو مؤثر کردار ادا کرنے کا موقع نہ دیا گیا، تو ہم اپوزیشن میں بیٹھے ان کے تمام چیئرمینز کو عہدوں سے ہٹا دیں گے۔یہ بات انہوں نے اس وقت کہی جب وہ پاکستان تحریک انصاف (پی ٹی آئی) کے قافلے کی قیادت کرتے ہوئے اسلام آباد سے لاہور، جاتی امرا پہنچے۔ وہاں سابق ڈپٹی چیئرمین سینیٹ مرزا محمد آفریدی کے فارم ہاؤس میں ان کے اعزاز میں ظہرانہ دیا گیا، جس میں پارٹی رہنماؤں اور دیگر اہم شخصیات نے شرکت کی۔ اس موقع پر علی امین گنڈا پور نے شرکاء سے خطاب بھی کیا اور اپنے سیاسی مؤقف کو دوٹوک انداز میں پیش کیا۔