وفاقی وزیر داخلہ محسن نقوی نے ایران کے سپریم لیڈر آیت اللہ علی خامنہ ای کے مشیر اعلی برائے بین الاقوامی امور ڈاکٹر علی اکبر ولایتی سے ملاقات کی۔ جس میں باہمی دلچسپی کے امور۔ پاک ایران تعلقات اور علاقائی صورتحال پر تبادلہ خیال کیا گیا جبکہ ایران اسرائیل جنگ بندی کے بعد خطے کی موجودہ صورتحال پر بھی بات چیت کی گئی۔ وزیر داخلہ محسن نقوی نے پاکستان کی سیاسی و عسکری قیادت کی جانب سے ایرانی سپریم لیڈر آیت اللہ علی خامنہ ای کے لئے نیک خواہشات کا اظہار کیا۔ وفاقی وزیرداخلہ محسن نقوی نے کہا کہ جنگ ہو یا امن، پاکستان اور ایران ہر موقع میں ایک دوسرے کھڑے رہے ہیں۔ انہوں نے واضح کیا کہ دشمن پاک ایران تعلقات میں کوئی رخنہ نہیں ڈال سکتا۔ پاکستان میں ایران کے سفیر رضا امیری مقدم اور سینئر سفارت کار بھی اس موقع پر موجود تھے۔ ڈاکٹر علی اکبر ولایتی ایران کے سابق وزیر خارجہ و سینئر سفارت کار ہیں
وزیر داخلہ محسن نقوی کی ایرانی سپریم لیڈرکے مشیر ڈاکٹر علی اکبر ولایتی سے ملاقات،اہم پیغام پہنچایا
Date:
