سیکیورٹی فورسز نے بلوچستان کے ضلع مستونگ میں خفیہ اطلاعات کی بنیاد پر کامیاب آپریشن کرتے ہوئے "فتنہ الہندوستان” سے تعلق رکھنے والے تین دہشت گردوں کو ہلاک کر دیا۔ فائرنگ کے تبادلے میں میجر زیاد سلیم اور سپاہی ناظم حسین شہید ہو گئے۔ آئی ایس پی آر کے مطابق، شہید میجر زیاد سلیم کی عمر 31 سال تھی اور ان کا تعلق خوشاب سے تھا، جبکہ 22 سالہ شہید سپاہی ناظم حسین جہلم کے رہائشی تھے۔بیان میں کہا گیا ہے کہ دہشت گردوں کے ٹھکانوں کو مؤثر طور پر نشانہ بنایا گیا اور ملک سے دہشت گردی کے خاتمے کے لیے سیکیورٹی فورسز کا عزم غیر متزلزل ہے۔ بہادر جوانوں کی قربانیاں ہمارے قومی عزم کو مزید مضبوط بناتی ہیں۔وزیراعظم شہباز شریف نے مستونگ میں سیکیورٹی فورسز کے کامیاب آپریشن پر خراجِ تحسین پیش کیا، شہدا کے درجات کی بلندی کے لیے دعا کی اور ان کے اہلِ خانہ سے تعزیت کا اظہار کیا۔ انہوں نے اس عزم کا اعادہ کیا کہ پاکستان سے ہر قسم کی دہشت گردی کا خاتمہ یقینی بنایا جائے گا۔
مستونگ میں سیکیورٹی فورسز کا آپریشن، 3 دہشت گرد ہلاک, میجر سمیت 2جوان شہید
Date:
