پاک فوج کےشعبہ تعلقات عامہ آئی ایس پی آرکےمطابق سیکیورٹی فورسز نے 8 اور 9 اگست کی درمیانی شب ضلع ژوب کے علاقے سمبازہ اورگردونواح میں کلیئرنس آپریشن کیا، جس کے دوران مزید 14 بھارتی سرپرستی یافتہ خوارج مارےگئے۔
آئی ایس پی آرکےمطابق آپریشن کےدوران ہلاک دہشت گردوں کے قبضے سے بھاری مقدار میں اسلحہ، گولہ بارود اور دھماکا خیز مواد برآمد ہوا۔
ترجمان کےمطابق اس دو روزہ انسدادِ دراندازی آپریشن میں مجموعی طور پر 47 دہشت گرد ہلاک کیےجا چکے ہیں۔پاک فوج پرعزم ہےکہ ملک کی سرحدوں کاہر قیمت پر دفاع کیا جائے گا اور پاکستان کے امن، استحکام اور ترقی کو نقصان پہنچانےکی ہرکوشش ناکام بنائی جائے گی۔
گزشتہ روز بھی سیکیورٹی فورسز نےپاک افغان سرحد عبور کر کے پاکستان میں داخل ہونے والے 33 دہشت گردوں کو بلوچستان کے علاقے ژوب میں کارروائی کے دوران ہلاک کیا تھا۔
