یو اے ای ٹی 20 ٹرائی سیریز,پاکستان کی افغانستان کو 39 رنز سے شکست

یو اے ای میں کھیلے جا رہے ٹی ٹوئنٹی ٹرائی سیریز کے پہلے میچ میں پاکستان نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 182 رنز بنائے۔ کپتان سلمان آغا نے شاندار نصف سنچری اسکور کی، انہوں نے 36 گیندوں پر 53 رنز بنائے جن میں 3 چوکے اور 3 چھکے شامل تھے۔ اس کے علاوہ محمد نواز نے 21 رنز کی برق رفتار اننگز کھیلی جبکہ سہیب زادہ فرحان نے 21 رنز سکور کیے۔افغانستان کی جانب سے فرید احمد نے 2 وکٹیں حاصل کیں جبکہ مجھیب الرحمان، راشد خان، محمد نبی اور عمرزئی نے ایک ایک کھلاڑی کو آؤٹ کیا۔ہدف کے تعاقب میں افغانستان کی ٹیم 19.5 اوورز میں 143 رنز بنا کر آل آؤٹ ہوگئی۔رحمان اللہ گرباز نے 38 رنز بنائے جبکہ کپتان راشد خان نے 16 گیندوں پر جارحانہ 39 رنز اسکور کیے، تاہم باقی بیٹنگ لائن ناکام رہی۔ حارث رؤف سب سے کامیاب باؤلر رہے جنہوں نے 4 اوورز میں 31 رنز کے عوض 4 کھلاڑیوں کو پویلین بھیجا۔ شاہین شاہ آفریدی اور محمد نواز نے 2، 2 وکٹیں حاصل کیں جبکہ سفیان مکی کے حصے میں بھی 2 وکٹیں آئیں۔