یومِ دفاع و شہداء کے موقع پر آئی ایس پی آر نے نیا ملی نغمہ "اللہ ہو” جاری کر دیا

یومِ دفاع و شہداء کے موقع پر آئی ایس پی آر نے نیا ملی نغمہ "اللہ ہو” جاری کر دیا ہے، جسے معروف گلوکار ساحر علی بگا نے اپنی آواز دی ہے۔ یہ نغمہ تینوں مسلح افواج کی یکجہتی اور وطن سے بے مثال وفا کی عظیم داستان بیان کرتا ہے۔نغمے میں پاک افواج کی بہادری اور پاکستانی قوم کے جذبے کو خراجِ تحسین پیش کیا گیا ہے۔ "اللہ ہو” کی گونج دشمن کے لیے للکار اور وطن سے بے پناہ محبت کا پیغام ہے۔ اس میں دفاعِ وطن کے عزم، بہادری، قربانی اور وقار کا دلکش امتزاج موجود ہے۔اس نغمے کے ذریعے سرحدوں کے محافظ پاک فوج کے جانبازوں کو زبردست خراجِ تحسین پیش کیا گیا ہے۔ ساتھ ہی پاک فضائیہ کی پیشہ ورانہ مہارت اور جرات مندانہ کردار کو نمایاں کیا گیا ہے، جبکہ پاک بحریہ کے شاندار کارناموں کو بھی خراجِ تحسین پیش کیا گیا ہے۔آئی ایس پی آر کا یہ نغمہ قربانی، عزم اور تجدیدِ عہد وفا کا حقیقی مظہر ہے۔