ایشیا کپ ٹی ٹوئنٹی کے سپر فور مرحلے کے دوسرے میچ میں ٹاس کے بعد بھارتی ٹیم کے کپتان سوریا کمار یادو نے پاکستانی کپتان سلمان علی آغا سے ہاتھ نہیں ملایا جس پر ماحول مزید کشیدہ ہو گیا۔ دبئی انٹرنیشنل اسٹیڈیم میں کھیلے جا رہے پاک بھارت ٹاکرے میں اینڈی پائی کرافٹ میچ ریفری کے فرائض انجام دے رہے ہیں۔پاکستانی ٹیم میں آج دو تبدیلیاں کی گئیں ہیں۔ قومی اسکواڈ میں صائم ایوب، صاحبزادہ فرحان، فخر زمان، حسین طلعت، فہیم اشرف، سلمان علی آغا، محمد نواز، محمد حارث (وکٹ کیپر)، شاہین شاہ آفریدی، حارث رؤف اور ابرار احمد شامل ہیں۔ہینڈ شیک کا تنازع اور بھارتی کپتان سوریا کمار یادو کے سیاسی بیان کے بعد پاکستان اور بھارت کے درمیان حالات مزید کشیدہ ہو گئے ہیں۔ آج بھی ٹاس کے بعد دونوں کپتانوں نے ہاتھ نہیں ملایا۔ یاد رہے کہ گروپ مرحلے میں بھارت نے پاکستان کو 7 وکٹوں سے شکست دی تھی۔
ٹاس کے بعد بھارتی کپتان نے پاکستانی کپتان سلمان علی آغا سے ہاتھ نہیں ملایا
Date:
